_" قصيدة مغربية كروية بقلمي "_(اول قصيدة لي)

هز راسك و افتخر حيت مغريبي

شمالي ولا وجدي

عيوني ولا غربي

وعاجبك منتخبنا الوطني

و فـ86 شرفنا كاع لعرب

و تكلمو علينا عند لفيفا و الغرب

و محترفينا مشرفينا ف الشرق و فلغرب

فلبرتغال سكتيوي دار حالة

تبار كللاه علينا ديما رجالة

و حجي فنانسي سبع

كلشي معاه تخلع

و فبوردو الشماخ هداف

يمركي و يهاجم و يدافع

وفمارسيليا غانشجعو العلودي

وتباركلاه علا فرقا هادي

فاشبيلية غانشوفو بصير

و كاسياس قدامو غا يحير

وفهولاندا بولحروز بدل بلادو

وافلاي دار بحالو

و فرقنا الوطنية بالشرف يزيدونا

من لفار لي دات البطولة

ولكن البطولة راها مخدومة

و نبارك لكل فراوي دمو حمر مغريبي

ولخميسات لعبت علا الصدارة

ولكن ماحققتش الغاية

الرجاء الخضرا و النسور الطيارة

لي ديما لفوق جوارة

و مع غريين بويز ديما جوالة

و الوداد و الراية الحمرة

و العرب جابوهم برا

و خريبغة لي هبلت سطيف

و ماينساوهمش كل صيف

و الماتادور التطواني

لي هاد البطولة بلعبو هبلني

و جديدة يا جديدة

مع الراجا لعبتي حديده

و النخلة المراكشية

ديما شايفة لفوق لفوق

ووليدات أسفي هبلوني

و داك النملي رآه يعجبني

و حسنيه يا امازغية

جمهورها غاديين معاها

و شباب المسيرة

ديما جوالين من طنجة لكويرة

وفارس الشرق يا لوجدي

لعبتي بنزاهة و زهقتي

و لفتح يا لفتح لعبتي

و لكن العاصمة فيها غير وحدة

و يلعيساوي لمكناسي

ااش موجد لقسم الثاني

و هاد القصيدة لكل مغربي حر

كيغير علا بلادو و كايفكر

و مع ولد سليمان..

نطلبو غي صبر

يا ربي حمي بلادي من كل آفة و شر

و عطي لفرقنا الوطنية العز و نصر

و الموسم الماجي يزيدونا فخر

و معا كووورة مغربية نلقاو مواضيع تفرح

و الصحف كلها تفتح

و منضمة لقفوله يعطيها القرح

و المشرفين يربحواا طرح

و يتقدموا بينا من فرح ل فرح